風雲變色實驗室(上集)*Mark&B女攜手打造*---二零零八年＋月二十三日

發生地點:實驗室
日期: 十月二十一日晚至十月二十ニ日凌晨

友人SUN SUN曾經聲稱睇見阿B桃花運強勁,而自己牙癢癢.近日SUN SUN終於得償所願,桃花之片片飛絮,終於眷顧他的頭上.

一向都對阿B展開猛烈攻勢`嘅A君,眼見苦追多時,阿B依然擺出一副闊佬懶理姿態,而A君素來有情場鬼見愁之稱,出手溝仔從來手到拿來,過往戰績更非常彪炳!唯獨是遇上阿B呢個一向對花心男慣性使出”偷不如偷不到”如此強勁招數嘅難攪之人,卻無力招架,而A君又一向慣常使用漁翁撒網之招數,就唯有暫時將阿B擱置一邊.

正所謂最緊要就手,阿B身邊朋友亦各具吸引力,終於A君轉移目標,鎖定於SUN SUN身上.當然,SUN SUN亦知道A君不是省油的燈,又點會輕易被電?2人於”實驗室”猜枚數小時,儘管A君多番乘機借勢討好,SUN SUN亦無動於衷!不過,都講過A君唔係”省油燈”,佢又點會得一個目標咁少!正當佢兩個玩得興高采烈之際,忽然有個年青靚仔加入!唔使問阿貴,A君一見梗係生滋貓入眼啦,仲唔拿拿淋出招咩!可惜,呢位靚仔竟然對呢位姿色俱佳嘅A君不為所動,反而對一向賣性格嘅SUN SUN更為受落,賽果出奇地爆大冷!與此同時,A君眼見自己當時大勢已去,亦唯有提早返家,冇眼屎乾淨盲好過!

我眼見SUN SUN形勢大好,而個靚仔又真係幾掂,於是乘機推SUN SUN快D行動啦.可惜佢又依依哦哦,又話人地年紀細之類!可能佢以前曾經同”未成年”嘅一段情俾人笑足兩年啦,費事又俾人話佢衰十一掛…

(待續)